nggondhel jawaku

jangan glandir iwak kebo bececeran
gula klapa sega jagung teri lan tempe
jaman ngedir jago tekno kapinteran
basa jawa aja amung kari tipake

papan lendhut rada garing kaya jenang
baris dawa nemu kecik cerak bebaya
jaman rambut dicet kuning semu abang
wasis manca dudu lantip nilep budaya


dening Parahestri P
rikala sore kurang gawe

Kenapa tinulis "basa jawa, apa, ana"?
Kok dudu 'boso jowo, opo, ono'?

Conto-conto kajupuk saka tembung kang asring kanggo
supaya bisa kangge nyocogake (saking FB grup kawruh jawa)

---

kersa	kersaning Gusti	kerso
dawa	mejaku isa didawakne	dowo
	clanaku kedawan
padha	akeh sing madhani klambiku	podho
apa	kowe dikapakake?	opo
budaya	kabudayan	budoyo
raharja	karaharjan	raharjo
ana	kahanane, anane mung semene	ono
	anane mung semene
rasa	krasan, rerasan, dirasani	roso
basa	bebasan ula marani gepuk	boso
jawa	aku ora ngeri jawane	jowo
bebaya	kebayan	beboyo
kanca	kekancan	konco
wedana	kawedanan	wedono
pira	pirang-pirang dina, pirang ewu regane?	piro
lara	aku bengok-bengok kelaran	loro
mata	(misuh) matamu	moto
pendhapa	pendhapa iku saka tembung mandhapa	pendhopo
mara/para	adime teka, mara paranana	moro/poro
saka/sangka	sangkan paraning dumadi	soko/songko
lima	regane limang ewu	limo
sanga	yeng sangan atus ora oleh	songo
malima	main, mabuk, main, maling, madon	molimo
tata	omah iki tatanane piye ta?	toto
rosa	ngetog karosan	roso
daya	tut wuri handayani	doyo
sik/dhisik	aku didhisiki kancaku	sek
sisih	iki sisihanku	siseh
mampir	aku ampirana	mamper
sampir	sampirane pedhot	samper
grimis	aku ngelu kegrimisan	grimes
sikil	sikilan kursi	sikel
arip	mau esuk aku karipan	arep
pikir	pakirane tansah wening	piker
mulih	mulihe liwat endi?	muleh
aling-aling	omahku kalingan wit gedhe	aleng-aleng
eling	kelingan pacarku	eleng
durung	sak durunge	durong
surung	surungen sing rosa	surong
kumpul	kumpulan	kumpol
klumpuk	masku tansah kuplukan	klumpok
undur/mundur	montorku kunduran truk	undor/mundor
ambung	ambune apa?, coba ambungen	ambong
mungsuh	aku ora mungsuhan	mungsoh
susuk	weteng suduken	susok
mabuk	aja mabuk-mabukan	mabok
umur	umur-umurane pira?	umor

---

djk

Cempa rowa (Lagu Dolanan>

dipun kintun dening mas Djoko Sulistiyo

Cempa rowa
Pakananmu apa rowa
Tuku gendhing ndhing ndhing ndhing
Rowang rawing wing wing wing
Bong kecebong jarane jaran bopong
Sing nunggangi Semar Bagong
Ecrek-enong ecrek-egung
Ecrek-enong ecrek-egung

---

Jinising Tembung

Kaanggit dening mbakyu Parahestri Probosini


Ing benten suraos, germo sajak nyemburaken sawijining
pendamelan bureng ingkang asring dipun lirik pedhes kaliyan umumipun tiyang.
Nanging, ing babagan nyinau kawruh basa jawi, kula panci nyeja ngginakaken
tembung 'GERMO' minangka paraban endah kagem 'GEguRitan MOderen'.
Nuwun sewu, germo ingkang kula beta menika inggih geguritan ingkang
kula uleni piyambak, radi mbeling, lan boten anggadhahi cepengan ing
suku kiwa saha tengenipun..

Ing kalodhangan menika, kanthi semrinthiling raos ngglithis,
kula nyobi nguleni saksetunggaling germo minangka pangemut-emut
kagem nyinaoni jinisipun tembung..



buku kuwi ngarani tembung
jaran kuwi ngarani tembung

Rem

Malem setu aku wurung sinau
Mripatku nancep kaku ing sepedhane atmajaku
Sepedha kuwi pancen ora nana sing lucu
Yen takwasake maneh uga ora nana sing tatu
Nanging ana saperangan awak kang gawe meri atiku
Sepedha kuwi duwe rem kanggo ngrampungi laku
Tunggal pitakonan nyenul ing sajroning kalbu
Kenengapa ora nana rem kang tumemplek ing cangkemku
Rem cangkem bisa mampetake wicara kang nora perlu
Bisa nyetop watuk amarga kegebyur virus flu
Lan sing wigati... bisa ngerem anggonku ngentekake sakpiring tahu
Aku wegah bobotku mundhak saben minggu..


Dening Parahestri P.
(Kapacak ing FB Kawruh Jawa 19 Februari 2010)

Njawa-surinameni

Lagi bingung arep nulis apa ning KJ, ujug-ujug mak pethungul, kancaku aran Soely Toredjo saka Suriname ngajak celathu..
"Hey, kepije kabareh?"
"Apik mbarang"
"Hestri kapan dolan nang ngoku?"
"Na kepengen nang suriname yo toeroe nang gone maku, ora nang hotel"
"Mahku omahe gehdi"
"Ndjangan opo Hestri?"
"Hestri ngerti berkat?"...
"Aku seneng karo berkat"


Dening Parahestri P.
(Kapacak ing FB Kawruh Jawa 18 Februari 2010)

Luwe

Iki dudu wayah jangkrik nyetel uni
Iki dudu wanci konang nyorot wengi
Iki dudu papan cedhak mbelik
Iki dudu pinggiran kalen cilik
Iki dudu swara ngalam supena
Iki dudu rungon njaba raga
Iki swara krucuk-krucuk wetengku
Iki wayah tangan sedheku
Iki wanci ngadhep piring isi tahu..

Dening Parahestri P.
(Kapacak ing FB Kawruh Jawa 16 Februari 2010)

Malem Rebo

Malem rebo,
ngancik wayahing ngaso,
nyelehake awak kang diplekotho,
mingserake ati nglokro,
menerake otot urat balung sing loyo ...
Malem rebo,
ngancik wayahing ngaso,
ngabotake weteng nganggo bakso iso,
nyegerake padharan nganggo soto kebo,
nelesi gulu ngombe es mambo ...
Malem rebo,
nyisil kwaci entek rong tompo,
durung arep nggodhog kacang rong bago ...
Malem rebo,
bobotku mundhak telung kilo....

Dening Parahestri P.
(Kapacak ing FB Kawruh Jawa 15 Februari 2010)

Pasemon

kaserat dening mas Sura Gentho

Mrica kecut singgat toya

	sak uni-uniné wong ayu kuwi tansah nggregetaké ati
	mrica kecut = wuni
	singgat toya = uget uget

---

djk

SINAU BASA JAWA

Bp. Herry Djoko Susilo


Tanggal kaping 24 Januari 2010, 8 Sapar 1943 Dal

1. bojo > semah, estri > garwa

conto

a. Calon bojomu kuwi bocah ngendi tho ndhuk?
b. Calon semah kula punika saking Klaten mBah.
c. Garwanipun putra panjenengan ingkang mbajeng punika mila ayu.

Katrangan : kadhangkala wonten ugi ingkang ngangge : sisihan, “kanca wingking”
(ingkang kirang sae tumrapipun para wanita, “issue gender”)

PASEMON UPACARA KROBONGAN

1.Upacara Timbangan

Temanten kakung lenggah ing pangkon sisih tengen keng Ramanipun temanten,

dene temanten putri lenggah ing pangkon sisih kiwa. 

Wondene Ibunipun temanten lenggah ing sangajengipun temanten sarimbit. 

Salajengipun Rama lan Ibu sami pangandikan:
 

Gambuh

wulangreh (pupuh katiga, padha 5-10)


si kidang umbagipun,
angendelaken kebat lumpatipun,
pan si gajah angendelken gung ainggil,
ula ngendelaken iku,
mandine kalamun nyakot.

Penanggalan ing Kabudayan Jawa

Jenenge Dina Jawa
// Cacahe dina jawa ana lima.


1. Pon (  Palguna )
2. Wage ( Cemengan, Kresna, Langking )
3. Kliwon  ( Kasih )
4. Legi ( Manis )
5. Paing ( Jenar )

Cathetan : Dina jawa diwiwiti sore udakara Magrib. Iki merga penanggalan jawa iku nganggo pathokan mbulan, sing dianggep metune wayah bengi. Dadi dina Jum'at Kliwon iku diwiwiti Kemis bengi ing penanggalan internasional sing sesuke Jum'at Kliwon. Marga saka iku ana sesebutan Malam Jum'at Kliwon, Malam Selasa Kliwon nganti tekan Malam Minggu sing tegese Setu bengi.

Tetembungan saindenging Beras

Akehing tetembungan saindenging beras udakara ana
patang puluhan, nandhake yen wong jawa kuwi budayane
cedak banget karo beras utawa sega.
Sejene kuwi uga nandhakake yen wong Jawa kuwi "sugih"
ing tetembungan.


ani-ani
tani
pari
ngenèni
panèn
dami
damèn (dami+an)
landha (banyu landha)
gabah
gaga
sawah
ulu-ulu
beras
tutu

Tembang Dolanan

Tembang dolanan kang ngemu surasa lan ngajak supaya bocah-bocah nduweni gegayuhan lan pangangen - angen kang dhuwur. Yen gegayuhan lan pangangene wis kasembadan aja lali marang sapa wae ing kiwa tengene. Nadyan wite rambutan lagi wolu godhonge nanging wis mbayangke yen mbesuke bakal ngrembuyung lan akeh wohe kang bakal dibage - bage marang wong - wong sakiwa tengene.

Taling + pasangan PA + Tarung

---

djk

Kawicaksanan

Nasihat saka mas Harmiel



kawicaksanan kuwi tansah nyedhaki kabecikan, nanging ora gelem rumaket.
kawicaksanan kuwi tansah ngadohi kadurjanan,nanging ora gelem nggethingi.
kawicaksanan kuwi meruhi bedane becik lan alaning tumindak,
lan ngerti banget yen tumindak ala kuwi ora diresepi liyan.
 


kasulih-basakaken saking statusipun pak hudoyo hupudio,
pethikan saking wejanganipun sayadaw u tejaniya).

---

djk

Urun rembug sithik : ngenani Ngoko lan Krama

Atur Pambuka :

Cathetan sapala iki mung nglumpukake apa sing wis tau diwulangake utamane dening rama-ibuku nalika isih bocah,  wektu ing pasinaon basa-jawa nalika sinau ing sekolah-dasar lan sekolah-menengah-pertama. Mesthi wae aku uga nampa piwulangan sing paling efektip, yaiku saka masyarakat - nalika migunakake basa-jawa.  Tambahan pasinaon uga saka buku-buku, layang kabar lan kalawarti (majalah) basa-jawa / kabudayan jawa sing dak waca. Dadi cathetan iki ora sistimatik lan pancen ora nduwe bobot akademik babar pisan, marga aku pancen ora tau ngerti piwulangan ngelmu basa-jawa formal. Nuwun sewu yen ana sisip-sembire lan sing ora pas.

Pangkur

Iki salah sawijinging tembang macapat Pangkur kang titilarase wis diganti nganggo not angka ( solmisasi). Mestine ya ora pas banget, nanging kena kanggo pasinaon kang kepengin latihan nembang jawa ( macapat ) nanging ora bisa maca titilaras ( tangga nada jawa ). Bisa dimainke nganggo alat musik moderen. Klik nggon partiture kanggo nggedhekke

Kawruh Sepålå - Têmbung Camboran

Têmbung Camboran

Têmbung Camboran yåkuwi têmbung loro utåwå luwih kang dicêkak dadi siji kanti njupuk pérangané wandå ånå ing sabên têmbung lan ora ngowahi têgêsé têmbung utåwå ukårå kang dicêkak

Tulådhå Têmbung Camboran

bangcúk : abang + pucúk
bangjo : abang + ijo
barbèh : bubar + kabèh
barji : bubar + siji
budhe : ibu + gêdhé
bulík : ibu + cilík

Jinising Tembung

1.Tembung Aran (kata benda)
    y.i: pangan, watu, meja, Supraba
2. Tembung Kriya (kata kerja)
    y.i: mangan, turua.
        a. Kriya Tandhuk (kata kerja aktif)
            y.i: mangan, turu
        b. Kriya Tanggap (kata kerja pasif)
            y.i: dipangan, kethuthuk
3. Tembung Ganti (kata ganti)
    y.i: dheweke, kowe
4. Tembung Wilangan (kata bilangan)
    y.i: siji, loro, lst
5. Tembung Sipat (kata sifat)
    y.i: abang, kaku, lst
6. Tembung Katrangan (kata keterangan)
    y.i: patiya, nemen, banget
7. Tembung Panguwuh (kata seru)
    y.i: aja, ayo
8. Tembung Sandhangan (kata sandang)
    y.i: sang, si
9. Tembung Panyambung (kata sambung)
    y.i: karo, dene, yen
10. Tembung Pangarep (kata depan)
    y.i: neng, saka


(tuntunan saking mas Phoenk Jamandho, mas Harmiel M. Soekardjo)

---

djk

Lambe setumang kari semerang

Sak tumang kuwi kanggo nggambarake barang sing kandhel.
Ning aku ya ora persis ngerti apa kuwi tumang.
Lambe setumang kari semerang tegese: Saka kandhel nganti tipis, 
olehe ngandhani nganti entek-entekan (nganti lambene tipis) meksa ora digugu.

---

djk

tembang ngeneng-eneng bocah nangis

tak lela-lela lela ledhung
cup menenga anakku sing ayu
yen nangis ndhak ilang ayune

---

djk

Medhot artikel sing dawa.

Kadangkala artikel sing diserat para dulur cukup dawa. Kadangkala yen kedawan rada kurang kepenak, lan ketok rada ngebak-ngebaki kaca ngarep. Nanging ana carane, ya kuwi munggel artikel kareben mung awale wae sing di-tayang-ake. Terus isi artikele bisa diwaos kanthi nge-klik    "Baca selengkapnya >>"    (asline Read more >>).

Gambaran ngisor iki mbok menawa bisa dianggo conto. Pirsanana uga postingku bab logo kawruh jawa.



Dene yen penjenengan ora sreg karo posisi break mau, kari pindah posisi anyar sing dikersakake, terus di-klik maneh "insert jump break" maneh. Aja lali, PUBLISH POST. yen wis lega.

Mangga katuran nyoba !

Kawruh Sêpålå - Kéråtå båså

Kéråtå båså



Kéråtå båså utåwå jarwå dhosok, yakuwi cårå njrawakaké utåwå nêgêsaké têmbung kanthi di othak – athik ( digothak-gathukaké) supåyå mathuk. Dadi dudu / ora têgêsé sing sak bênêré.

Tulådhå Kéråtå båså:

Bapak	bab apa-apa pêpak (pêpak kawruh lan pêngalaman)
Batur	êmbat-êmbataning tutur

sketsa tentative

Klik gambar untuk memperbesar.

Becak

Becak, saka basa Cina Hokkien: be chia kang ateges "kereta kuda"
Tetumpakan umum rodha 3, kang isine 2. Sopire ana neng mburi.


maturnuwun ade.blogsome.com, image.google.com 

---

Gambuh

wulangreh (pupuh katiga, padha 5-10)

si kidang umbagipun,
angendelaken kebat lumpatipun,
pan si gajah angendelken gung ainggil,
ula ngendelaken iku,
mandine kalamun nyakot.

Wuyung

Kagem para kadang ingkang nembe kataman wuyung, mangga katuran tumut rengeng-rengeng langgam yasanipun salah satunggiling empu kesenian jawi, suwargi Bapak Ismanto. Dene Wuyung-ipun dipun uja saktingkah-polahipun manah kemawon.

Gambuh

wulangreh pupuh katiga; padha 1-4

Raden Saleh

Wiyosan wonten Terbaya - Semarang, warsa 1807, Raden Saleh Sjarif Bestaman, putra saking Mas Adjeng Zarip Hoesen.

(matur nuwun dateng mas Herry Djoko Susilo)

---

Duwit Lawas

Duwit lawas mono isih "akeh regane", mula para sepuh kadhang pada sok
kliru kepengin bali neng jama semana. Ning jane duwit lawas iku "regane"
ya mung nggandhol neng duwit gulden (landa).
Sarehne awake dhewe wis pisah karo landa, lan sengaja digawe mlarat
karo landa (malah diapusi) duwite dhewe iki (rupiah) saya suwi saya mudhun.
Nganti ana pecahan satus ewu (100 000) ripis.
Yen pamarentah ora ngati-ati ya sida metu duwit
rong atus ewu (200 000) tenan.

sitheng	setengah sen
sen	sapra satus ripis
benggol	2,5 sen
kelip	5 sen
ketip	10 sen
tali/setali	25 sen
suku/setengah	50 sen

---

Kawruh sepala - Wangsalan

Wangsalan

Palindrom

Saking basa Inggris Palindrome, inggih menika tembung utawi ukara kang
nggadahi sifat menawi pun waos saking ngajeng utawi wingking,
ungelipun sami, upaminipun wonten ing basa Indonesia lan basa Inggris:
kasur nababan rusak
madam, I'm adam.


Menika para kanca sami usada pados tembung / ukara ingkang
anggadhahi sifat palindrom, nanging khusus ngangge hanacaraka,
inggih menika:

    råmå mårå
    kathok kothak (sponge bob ?)

    kodhok
    kèrèk
    kirik
    kèlèk
    kopok
    ana-kana
    laku-kula
            (mas Agung Ogh)

    si wani niwasi
    tuman mantu
    lagi rådå ra gilå
    såpå sing påså?
    ronggå sing garong
            (mas Harmiel M. Soekardjo)


Mangga sami paring komentar kaliyan mbokmenawi wonten malih saged pun tambahi.


Matur nuwun

---

geguritanku

kanggo sliramu dhiajeng..

Tembung Saroja

Inggih menika tembung kalih ingkang kagandheng. Tembung kang pungkasan kangge nyangetaken tembung kang wiwitan.

Upaminipun:
ajur-mumur
kerta-raharja
tata-tentrem
adhem-ayem
ijo-royo-royo
ireng-thuntheng
abang-mbranang
putih-memplak
padhang-jingglang
peteng-dhedhet


(matur nuwun kagem mbak Titis Setyawati saha mas Phoenk Jamandho)

geguritanku

rungokna sun nggegurit

rungokna sun nggegurit
nembangke swara ati kang rinujit
kang nandhang lara amarga
trisna kang suci wis ninggalna

Ménthok - ménthok

Ménthok..ménthok
tak kandhani
mung lakumu
angisin-isini
mbok ya aja ngétok
ana kandhang waé
énak-énak ngorok
ora nyambut gawé
Ménthok-ménthok
mung lakumu
mégal-mégol
gawé guyu

Urutane Posting ing Blogspot Kroyokan

Kagem para sedulur sing durung biasa nge-blog ing blogspot.com. Iki urutane / langkah-langke kanggo posting artikel anyar, utawa kanggo ngedit postingan lawas. Sak teruse, latihan kang bakal nglanyahake.

Sak wise rawuh ing nnersomachen ( kawruhjawa.blogspot.com )
Urutan sepisan :



Urutan kapindho :

Sakwise sign in kasil panjenengan bakal ketemu DASHBOARD kaya conto ngisor iki :
(contone ngango accountku. )





Urutan kaping telu :

Wiwit ngedit artikel anyar kaya ngisor iki.

Sak teruse panjenengan mesthi bisa dhewe.

Mangga dha enggal posting artikel / seratan panjenengan sedaya.

Ngundhuh Font Hanacaraka

Para sutresna budaya jawa ingkang ngersakaken font aksara jawi :
- font hanacaraka anggitanipun Pak Teguh Budi Sayoga ( http://hanacaraka.fateback.com/ )
- font hanacaraka gaya Surakartan
- font hanaraka saking www.tavultesoft.com
- font kangge nyerat not tembang, KepatihanPro
- penanggalan jawi php script

Saged kaundhuh saking  http://www.bausastra.com/main/?q=download .
Ing mriki ugi wonten bausastra ( kamus / dictionary ) Kawi - Jawa.

Mangga enggal dipun undhuh. Namung klak klik klok kemawon kok.
Nuwun.

Kucingku Telu

Kucingku telu
Kabeh lemu-lemu
Sing siji abang,

Sing loro klawu
Meong-meong

dak pakani lonthong
Kucingku mangan

kancaku ndomblong

(matur nuwun dhumateng Mbilung Bingung Kesurupan)

Numpak Sepur

sinten numpak sepur
lunga nyang kedhiri

wong iki sepur dhur

bayare setali

sinten trima nggonceng

konangan kondektur

yen di dhendha seceng

napa mboten kojur

( Kintunanipun ibu Enysully B'young's Pramest )

5151231 .

123523.

5231615.

561261.

Pitik cilik

Aku duwè pitik cilik
Wulunè blirik
Cucuk kuning jénggér abang
Tarung mesthi menang
Såpå wani karo aku
Mungsuh pitikku


(matur nuwun dumateng mas Harmiel M. Soekarjo)
lagu pop taun 1960-an

51. 53. 51. 35..
667 21..
11. 64. 65. 31..
11. 64. 65..
11. 64. 65. 31..
667 21..

ilir ilir

Lir-ilir, lir-ilir
Tandurè wis sumilir
Wis ijo royo-royo
Tak sengguh penganten anyar

Cah angon, cah angon,
Pénéknå blimbing kuwi
Lunyu-lunyu peneknå
Kanggo mbasuh dodotirå

Dodotirå, dodotirå,
Kumitir bedhah ing pinggir
Dondomånå, jlumatånå,
Kanggo sèbå mengko sorè

Mumpung jembar kalanganè
Mumpung padhang rembulanè
Surak-å surak
Hosèèè ...


(matur nuwun dumateng mas Harmiel M. Soekarjo)

Kinanthi

(wulangreh, pupuh 2 kinanthi)


Mulané wong anom iku,
bêcik ingkang tabêri,
jêjagongan lan wong tuwa,
ingkang sugih kojah ugi,
kojah iku warnå-warnå,
ånå ålå lan bêcik.

Ingkang bêcik kojah iku,
sirå anggawå kang pasti,
ingkang ålå singgahnå,
åjå sirå anglakoni,
lan den-awas wong akojah,
iyå ing måså puniki.



(matur nuwun dumateng den mas Harmiel M. Soekardjo)