blog mênikå tuwuh saking kêrsaning para sêdhèrèk saking facebook boso jowo kagêm nguri-uri budåyå jåwå, supados mboten ical katrajang jaman.

Kamis, 05 September 2013

PARAMASASTRA

SESELAN


Seselan (infiks) iku wuwuhan kang manggone ing satengahe tembung. Cacahe ana papat, yaiku –um-, -in-, -er-, lan –el-.

Seselan –um-
Tembung lingga kang kawiwitan aksara p menawa oleh seselan -um-, aksara p malih dadi k. Dene tembung lingga apurwa konsonan b kang oleh seselan –um-, aksara b mau dadi g.
Tuladha :
                        pinter          +          -um-              =     puminter            --  kuminter
                        panggang     +          -um-              =     pumanggang       --  kumanggang
                        bagus          +          -um-              =     bumagus            --  gumagus

Gunane : ngasilake tembung kriya tanduk tanpa lesan  lan tembung kahanan.
Tuladha :
                        laku             +          -um-              =     lumaku
                        teka            +          -um-              =     tumeka
                        gagah          +          -um-              =     gumagah
                        bagus          +          -um-              =     gumagus

Seselan –in-
Tembung kang oleh seselan –in- tegese padha karo yen oleh ater-ater di-, lan kalebu tembung kriya tanggap.
Yen tembung lingga kang oleh seselan –in- , seselan –in- ora ngalami owah-owahan.
Tuladha :
                        cangking      +          -in-                =     cinangking
                        jawat           +          -in-                =     jinawat
                        sawang        +          -in-                =     sinawang
                        kanthi          +          -in-                =     kinanthi


Seselan –er- lan –el-
Seselan –er- sok malih dadi –r-, dene seselan –el- kadhangkala malih dadi –l-.
Gunane kanggo ngasilake tembung kahanan.
Tuladha :
                        kelip            +          -er-               =     kerelip               --  krelip
                        titi               +          -el-                =     teliti                   --  tliti
                        cekot          +          -er-               =     cerekot              -- crekot
                        jerit             +          -el-                =     jelerit                 --  jlerit

 Menika kawruh sapala bab seselan, mugi saged nambah sesrepan kita, mbok bilih wonten kekirangan kula suwun pamrayoginipun, suwun..

3 komentar:

Sugeng Kariyodiharjo mengatakan...

Wonten malih seselan -eth- ing tembung kethanthil, lan seselan -edh- ing tembung gedhandhul.

Anonim mengatakan...

Menawi akhiran an, tuladhane: selat-an
Menopo puniko artine dados selat ethok ethok?

IDJAVA mengatakan...

Informasi yang sangat bermanfaat tentang Jawa

Posting Komentar

Mangga paring komentar :