Rabu, 04 November 2009
geguritanku
rungokna sun nggegurit
rungokna sun nggegurit
nembangke swara ati kang rinujit
kang nandhang lara amarga
trisna kang suci wis ninggalna
perih kang rinasa
lir kadya mala
kang siniram banyu rasa
rungokna sun nggegurit
nembangke swara ati kang sinebit
kang ngresula lan nelangsa
kelangan tresna kanthi muspra
sungkawa kang rinasa
ora gampang bisa sirna
tansah katon ngegla nglegena
duh.. trisna..
ya ngapa kowe teka
yen ta amung gawe gela
lan kuciwa
rungokna sun nggegurit
nembangke swara ati kang rinujit
kang sumyur pinara sasra
ngugemi prasetya kang cinidra
Langganan:
Posting Komentar (Atom)
Postingan
6 komentar:
yen hurufe dadi kaya ngene iki sababe apa, ya?
Sip tenan.
Tambah ben ndina ya mas Phoenk.
lagi nandhang kuciwa mas...
Mas HMS,
- Format default bisa di-reset ( kanan atas toolbar wonten tab clear format ).
- Ageng alitipun font ugi saged dipun pilih mawi fontsize : smallest, small, normat, bigger, biggest.
- werni karakter, werni latar, miring ugi saged .
Sedaya wonten ing toolbar.
Dene yen ngersakake underline, kedah mlebet html editoripun, margi mboten cumawis ing toolbar.
angger aja ditambahi :
dak lakoni nyabrang bengawan pesing.
namung ngandaharake krenteg e ati.
Posting Komentar
Mangga paring komentar :