Kawruh Sêpålå - Kéråtå båså

Kéråtå båså



Kéråtå båså utåwå jarwå dhosok, yakuwi cårå njrawakaké utåwå nêgêsaké têmbung kanthi di othak – athik ( digothak-gathukaké) supåyå mathuk. Dadi dudu / ora têgêsé sing sak bênêré.

Tulådhå Kéråtå båså:

Bapak	bab apa-apa pêpak (pêpak kawruh lan pêngalaman)
Batur	êmbat-êmbataning tutur

Bocah	kåyå kêbo, pikiré durung pêcah
Brêkat	mak brêg diangkat
Butå	kalbuné ora ditåtå
Cangkir	nyancang pikir
Cêngkir	kêncênging pikir
Copèt	ngaco karo mèpèt
Dênåwå	ngêdên håwå (nguja håwå napsu)
Désèmbêr	gédhé-gédhéné sumbêr
Ndêlalah	nggondèl marang Allah
Garwå	sigaraning nyåwå
Gêdhang	digêgêt lêbar madhang
Gêlas	yèn tugêl ora bisa di las
Gêmati	diugêmi ngati - ati
Gêthuk	yèn digêgêt karo manthuk-manthuk
Gêrang	sêgêré wis arang
Guru	digugu lan ditiru
Gusti	bagusing ati
Kaji	tékadé wis nyawiji
Kathok	diangkat sithok-sithok
Kodhok	tèkå-tèkå ndhodhok
Kutang	sikuté diutang
Krikil	kèri ing sikil
Kuping	kaku njêpiping
Kupluk	kaku tur nyêmpluk
Kursi	yèn diungkurake banjur isi
Ludruk	guluné géla-gélo, sikilé gêdrag-gêdrug
Maling	njupuk amalé wong sing ora éling
Pêrawan	yèn pêpara (lêlungan) wayah awan
Piring	sêpiné yèn miring
Pistå	tipis ning råtå
Ruji	diwiru siji-siji
Saru	kasar tur klèru
Sêkutèr	sambi sêdhêku mlaku bantêr
Sêpuh	sabdané ampuh
Sêpur	asêpé måtu ndhuwur
Simah	isining omah
Sirah	isining rah
Siti	isi bulu bêkti
Sopir	yèn ngaso mampir (ing warung)
Sruwal	saru yèn nganti uwal
Tandur	nåtå karo mundur
Tåpå	tatane kåyå wong påpå
Tarub	ditåtå supaya murub (asri)
Tayub	ditåtå supaya guyub
Têbu	antêbing kalbu
Tépas	titip napas
Tuwå	ngêntèni metuné nyåwå
Wanitå	wani ing tåtå
Wêtêng	ruwêt tur pêtêng

Sing kudu digatèkaké akèh kang klèru mbédakaké antarané Kéråtå Båså kêlawan Têmbung Camboran lan Têmbung Gårbå.